هسأل سؤال وتجاوبني عليه بصراحة …
وبضمير إنت حاسس بالأمان؟
ولا متشتت وخايف زي حالة ناس كثير
مربوطين بيدوروا زي التور في ساقية
مغموضين العين ولجل اللقمة بيطاطوا الرؤوس
طب بلاش إحساسنا إيه بمعنى الأمل؟
وكل سكة بنمشي فيها بتتقلب بينا لمتاهة
أو نخش في حيطة سد
وكل حلم بنحلمه بيطلع كابوس
آخر سؤال تقدر تعرف لي الوطن
وإنت السجين في فقر قرش وفقر دم وفقر فكر وفقر دين وفقر أكبر في النفوس ؟!
