فى احد اللقاءات الخاصة بالقوات المسلحة فى عام 2013 وكان موجود شخصيات عامة واعلاميين وفنانين غير العسكريين من القوات المسلحة والشرطة فى مسرح الجلاء.
واثناء إلقاء المشير السيسى لكلمة يوضح فيها الحالة المتردية للاقتصاد المصرى والوضع الامنى – وكان فى هذا التوقيت تتعالى الاصوات المطالبة للمشير السيسى بتولى الرئاسة – وهو لم يكن يرد بالقبول او الرفض .
قام احد الموجودين وكان الفنان احمد بدير وقال لة اترشح واحنا معاك
رد علية المشير السيسى وقال:
- لو انا مسكت مش هتناموا
- رد المسرح كلة والشعب كلة مش عايزين ننام قال لهم :
- هتتعبو علشان نبنى البلد!!
- قالوا واية يعنى
.قالهم :
- مش هناكل وهنوفر علشان بلدنا.
- ردوا هنجوع ونبنى مصر.
قالهم:
- مش هتستحملو احنا عسكريين متعودين انتوا لأ
- ردوا لأ هنستحمل واحنا فى ظهرك.
قالهم :
- البلد مهلهلة صحة وتعليم واقتصاد وأمن.
- قالوا لو اعمل كل اللى شايفة صح واحنا موافقين.
بعدها بكام شهر استقال وقرر الترشح.
وفى لقائه مع لميس الحديدى وابراهيم عيسى ، وضح الوضع الاقتصادى وهو هيعمل ايه ، والضغوط اللى هتكون على الشعب
وطلع الشعب كلة وقالوا موافقون !!!!!
دلوقتى الشعب نسى او بيتناسى وبيشتم فى الراجل اللى عمره ماتلفظ بلفظ سئ فى حق أحد وبدأوا يسمعو تانى لأهل الشر واصحاب السبوبة والمصالح ونسيوا اللى اتعمل من إنجازات وان البيت لما بنيجى نبنية بيتبنى على مراحل وبياخد ايام وشهور ويمكن سنين على مانعرف نعيش فية مابالكم ببلد منهارة
عاوزك تقرأ الكلام ده كويس اوي وتفهمه اوي اوي وتحاول تنشره علشان اي حد مغيب يفوق ويصحي ويحمد ربنا علي النعمة اللي إحنا فيها…. وكل اللي البلد عاوزاه بس شوية ضمير عند كل واحد فينا…
اليورو = ٢٠ جنيه
الدولار = ١٨جنيه
الريال = ٤ جنيه
والجنيه = كام؟
تعالى كمل معايا
الجنيه = 134.50 دينار عراقي
العراق .. فاكر العراق ؟ بقايا دولة بعد الانقسام الطائفي والاحتلال الأجنبي بعد إنهيار السلطة
الجنيه = 24.50 ليرة سورية
سوريا وما أدراك ما سوريا ؟ لا تعليق
الجنيه = 170.50 ليرة لبنانية
لبنان .. الذي لم يسلم له دينه أيضا وإنما قهر أغلبَهم المد الشيعي وما هذا إلا بسبب نزاعات فئوية ودعاوى فوضوية
الجنيه = 27.50 ريال يمني
اليمن .. صراعات حزبية ومطامع سياسية ترجح كفة الحوثي هناك
هل تفهم الآن إلى أين سيذهب الجنيه ؟ وما هو مصيره طالما أنك ما زلت تدعو إلى الفوضى ؟
دعوتك إلى أن تتكرر في بلدك مثل هذه السيناريوهات المؤلمة سيذهب بالجنيه إلى أبعد وأشنع وأصعب من ذلك
البلد اللي فيها 20 رغيف عيش بجنيه
وبتصرف للمواطنين زيت وسكر وجبنة فيتا ببطاقه التموين ببلاش
و 36 محطه مترو ب3جنيه
عمر مايكون فيها ثوره جياع : 🇪🇬👍 غريبه يامصر في قدراتك
**
🚩الكلام ده للناس العقلاء فقط
☀عندنا أزمة كبيرة فى العملة؟
= أيوة عندنا
☀عندنا مشاكل اقتصادية حادة؟
= أيوة عندنا ؟
☀عندنا مشاكل مزمنة فى التعليم والصحة ؟
= يوووووه – بالهبل .
☀عندنا أزمة فساد فى الذمم والنفوس؟
= طبعا عندنا ،، إلا من رحم ربى
☀عندنا غلاء فى الأسعار والتجار جشعه و بتتلاعب بقوت الناس؟
= حدث ولا حرج
😄😄 طب ممكن اسال كام سؤال تاني؟
☀ولادك بيروحوا النادى كل يوم ؟
= أيوه
☀صيفت السنة دى؟
= أيوه
☀بتنزل تسهر للفجر مع صحابك عادى؟
= أيوه
☀ طب عندك لا قدر الله جيش منقسم ومنشق؟
= لأ والحمد لله .
☀جزء من بلادك محتل؟
= الحمد لله برضو لأ
☀ عندك قواعد عسكرية بتنتهك سيادتك على أرضك؟
= الحمد لله رب العالمين ، مفيش .
☀سبت بيتك ووطنك وقاعد فى مخيم على حدود أى بلد مستنى طبارة ترمى لك رغيف ؟
= الحمد لله محصلش .
☀ حد من معارفك اتدبح والدواعش لعبوا الكورة براسه قدام الكاميرا؟
= اللهم احفظنا …لأ محصلش
☀ولادك مدارسهم وجامعاتهم إتعطلت والسنة الدراسية اتلغت ؟
= لأ
☀عندك فتنة طائفية بتحصد كل يوم مئات من دول ودول
= لله الحمد والشكر… لأ.
☀ عندك أزمة كهربا فى صيف خانق الحرارة فيه وصلت لأرقام قياسية ؟
= لأ
☀الشتا اللي فات كنت نايم في خيمه و التلج نازل حواليك لمده شهر؟
= لأ
☀بتنام من غير عشا؟
= الحمد لله مستورة
👏👏 يبقي الخلاصة :
🔔 أيوا بلدك بتعانى ، وبتمر بظروف صعبة ،
🔔 ودى مش أول ولا آخر مرة فى تاريخ الدول
🔔 لكنها بفضل الله متماسكة كهيكل عام للدولة وغير منهارة
☀ يعنى بالبلدى مش أشلاء دولة
زي كل البلاد إللى اتقطعت و اتدمرت و مش هتقوم لها قومه تانى
طبقا لمخطط متحضر من سنين للمنطقه
🔔 وده كافى بإذن الله إنها تقوم وتتعافى إن أخلصنا النية لله
👍 وإوعى تنسى أبدا إن ربنا دايما فى المعادلة مهما أعيتنا السبل
😘😘 أنا لسه بحب البلد ..
بحبك يامصر 🇪🇬 إدعوا لمصر .
👍👍👍مع تحياتي💝💝
تحيا مصر .. تحيا مصر 👍👍(منقول واتفق تماما فيما هو مكتوب )
